CANLE CAMPUS PRESENTA EN CAMBADOS NOVOS CURSOS

A Universidade compostelana presentará o vindeiro venres en Cambados (Pontevedra) o I Máster en Industria Musical que se impartirá en Galicia, co obxectivo de que os asistentes estean capacitados para atender a todos os ámbitos da industria musical.
O equipo de investigación Canle Campus, da USC, converterá en aulas universitarias os festivais musicais de Portamérica, que se celebra en Nigrán do 15 ao 18 de xullo, e de Ortigueira, entre o 16 e o 19 de xullo. Trátase de dous cursos de 25 horas respectivamente que están abertos a calquera persoa interesada na industria do espectáculo no marco de dous eventos multitudinarios.

Nesta nova titulación, a Universidade de Santiago de Compostela abordará os aspectos artístico, estético, sonoro, logístico, de xestión, produción e comercialización da industria da música actual, segundo informou a institución académica nun comunicado.
Pola Universidade de Santiago asisten o vicerrector de Coordinación e Comunicación, Xosé Pereira, e o director do Máster e profesor da USC, Xaime Fandiño.
O sector profesional e artístico estará representado por músicos de éxito como Cristina Pato e Iván Ferreiro; Nicasio Gradaille, profesor de piano e integrante do Taller Atlántico Contemporáneo; o empresario Anxo Martínez, gerente de Espectáculos Lito, o maior representante galego de orquestas de verbena, e o director da axencia Esmerarte, Joaquín Martínez, manager, entre outros, de Vetusta Morla e Xoel López e organizador do festival Portamérica.
O I Máster en Industria Musical é unha iniciativa do equipo de investigación do grupo multidisciplinar Canle Campus.