PRESENTADO O RECURSO CONTRA A PRÓRROGA DE ENCE

A Asociación Pola Defensa da Ría de Pontevedra recorre contra o Ministerio de Medio Ambiente

Imaxe dunha manifestación anterior

A Asociación Pola Defensa da Ría de Pontevedra presentou onte un recurso contra o Ministerio de Medio Ambiente para tratar de anular a concesión da prórroga outorgada a ENCE por sesenta anos máis. 

O recurso é contra a resolución en que se lle denega á asociación ecoloxista a condición de parte interesada no procedemento. Unha decisión que consideran "arbitraria" e "carente de xustificación", e que para a súa idea debería conlevar á nulidade do proceso.

Onte pola tarde, a Plataforma Ence Fóra convocou unha unha concentración en Pontevedra, diante da sede do PP. Din que é o máximo responsable dunha decisión que consideran desproporcionada.