9 FESTIVAIS DE MÚSICA NA PROVINCIA ESTE VERÁN

Co verán chega a temporada de música, praia, descanso e festivais Rías Baixas: variedade de estilos musicais para todos os públicos, xunto con experiencias turísticas e gastronómicas en diversos puntos da xeografía da provincia de Pontevedra.
A maior parte destes festivais estenden a súa cita musical durante varias xornadas, e en todos eles o concepto musical abarca a excelencia da contorna na que teñen lugar, así como as delicias gastronómicas das Rías Baixas. Algúns conservan o seu público máis fiel, que, edición tras edición, acode a ver grandes e pequenas bandas.

O concepto dos Festivais Rías Baixas trascende a música: hai festa, gastronomía, natureza e, sobre todo, moi bo ambiente

Os festivais Rías Baixas ofrecen actividades para participar en familia: algúns convértense nun espazo de confluencia cultural do universo europeo e iberoamericano; outros, cuxo cartel se desvela no momento do concerto, achégannos a destacadas e destacados artistas internacionais. Neles tamén se poden admirar sorprendentes demostracións de deporte urbano que converten a provincia en escenario dunha das citas de dirt jump máis importantes do mundo. Non faltan, ademais, os festivais de raíz popular con grupos emerxentes, así como outros xéneros coma o rock latinoamericano e español, o punk, o ska e as bandas máis apreciadas da escena galega.

En definitiva, este é o momento de marcar no calendario todas as citas desta temporada de festivais Rías Baixas.