VENRES INAUGÚRASE UNHA NOVA EXPOSICIÓN EN TORRADO

A pintora Yolanda Dorda lucirá os seus cadros recompilados baixo o nome de "Segredos" para mostrar os diferentes estados de ánimo dos seus protagonistas.

A pintora catalana pero coruñesa de adopción será a seguinte en colgar as súas obras na sala de Torrado. «Segredos» é o título da exposición, que estará aberta ao público entre o 26 de maio e o 16 de xullo. Será «un percorrido a través dous estados de ánimo convidando a descubrir os segredos que esconde a alma», explica a artista.

Yolanda Dorda, coa súa obra  convida o espectador a reflexionar sobre a identidade da muller. Por unha banda interpreta en primeira persoa a sexualidade, dando diferentes miradas ao corpo como obxecto desde a indiscreción ou o voyerismo, e tamén denuncia que o corpo feminino está constantemente suxeito á mirada enjuiciadora da sociedade, un xuízo que non sempre é arbitral. Defendendo a sexualidade propia da muller a través dunha figuración que elimina aspectos do fondo para centrarse no protagonismo da retratada.

A súa obra está construída a base de pinceladas grosas, empastes e manchas sobre fondos neutros, que nalgún caso insinúan máis que detallan e que ás veces se achegan ao abstracto, sen que perda importancia o debuxo. Tratar de atraer emocionalmente ao espectador, que comparta o protagonismo da escena e que este teña que reflexionar sobre unha intimidade que se fai pública mediante imaxes intensas, cargadas dunha mestura de sexualidade, erotismo, soidade e desolación, dando referencias ao corpo feminino como espazo de conflito entre o pracer e o sufrimento.