A PISCINA DE CAMBADOS ABRIRÁ AS SÚAS PORTAS MAÑÁN 28 DE SETEMBRO DE FORMA GRATUÍTA

A instalación realizará xornada de portas abertas con motivo da Semana Europea do Deporte

Por terceiro ano consecutivo está a celebrarse a Semana Europea do Deporte. Esta é unha iniciativa da Comisión Europea para promover o deporte e a actividade física en toda Europa. O tema central da campaña é “#BeActive” animando a todas as persoas a permanecer activas durante esa Semana e ao longo de todo o ano. A Semana Europea do Deporte ten lugar desde hoxe ata o 30 de setembro.

A piscina de Cambados quere sumarse a esta iniciativa e para iso ten preparada unha xornada de portas abertas o vindeiro xoves 28 de setembro. Para iso o centro preparou unha axenda especial de actividades para adultos e nenos que se suman ás da súa grella habitual. Bike, Zumba, actividades acuáticas… Todo un mundo de actividades que a piscina pon a disposición de todos de forma gratuíta para iniciarse no mundo do deporte.

A iniciativa realizarase en todos os centros que xestiona o Grupo BeOne/Aquafit, concesionaria da piscina,  en toda España. O Grupo pon os máis de 190000 m2 que xestiona a disposición de todos aqueles que non adoitan realizar actividade física e queiran coñecer as súas instalacións e mostrarlles o saudable e divertido que é poñerse en forma supervisado sempre por técnicos profesionais.  

Para coñecer todo o que ten preparado a instalación para ese día, publicou un evento no seu fanpage de Facebook con todas as actividades programadas.