Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DO SALNÉS É UN BLO
G. Sobre todo crítico.

4 de octubre de 2017

CITA DE CONFRARÍAS GASTRONÓMICAS DE ESPAÑA, PORTUGAL, FRANCIA E ITALIA EN CAMBADOS












Cambados celebrará un Encontro Internacional de Confrarías Enogastronómicas e a primeira Festa da Vendima os próximos días 13 e 14 de outubro.


O evento, organizado polo Concello de Cambados, enmárcase dentro das actividades programadas con motivo do nomeamento de Cidade Europea do Viño e son xa 35 Confrarías de España, Portugal, Francia e Italia as que confirmaron a súa asistencia a esta cita, aínda que se espera que sexan máis a medida que se achega a data.

Os actos centrais desenvolveranse o sábado 14, cunha visita polo conxunto histórico de Cambados, declarado de Ben de Interese Cultural, un paseo en barco pola ría de Arousa con parada nunha batea de cultivo de mexillóns e recoiro, e unha comida de confraternidade pola mañá.

Xa pola tarde as Confrarías asistentes terán un encontro na praza do Concello e posteriormente realizarán un longo desfile polas rúas da vila que finalizará na Praza de Fefiñáns onde se celebrará a primeira Festa da Vendima.


Neste evento entregaranse diplomas e recoñecementos a dez viticultores de Cambados e que contará coa actuación de Rosa Cedrón, a Banda de Música de Castrelo, Manso e Amigos, Xaquín Xesteira, Teatro non Garaxe e Pepo Suevos.








No hay comentarios:

Publicar un comentario

NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.