XORNADAS DE EXALTACIÓN DA ZAMBURIÑA DO 30 DE NOVEMBRO AO 5 DE DECEMBRO

Cambados recupera as Xornadas de Exaltación da Zamburiña.
Tras catro anos de ausencia pola escaseza de capturas, Concello, Asociación de Comerciantes, e Confraría de Pescadores retoman as Xornadas que se celebrarán do 30 de novembro ao 5 de decembro.

Dez locais de hostelería participarán na iniciativa coa elaboración de propostas a base de zamburiña que se servirán a un prezo de seis euros a ración, doce euros se vai acompañada dunha botella de Albariño.

A asociación de comerciantes Zona Centro, o Concello de Cambados e a confraría San Antonio, organizan unha nova edición das xornadas gastronómicas da zamburiña que terá lugar desde mañá 30 de novembro ata o 5 de decembro.

Esta edición contará coa participación de 10 establecementos: A taberna do trasno, A casa de Miguel, Adega, A Cultural, O Pósito, Taberna de Triana, Restaurante Tío Paco, A dos Piñeiros, O Casal e a Taberna de Toñi. Todas as propostas venderanse a un prezo único de 6 euros e 12 euros se inclúe botella de albariño. O horario das xornadas será de 13 a 15 e de 20.30 a 22.30 horas.

Na organización das xornadas colabora a Deputación de Pontevedra e a depuradora Joaquín Fariña, entre outros.