Unha muller resultou ferida de consideración esta mañá en Cambados (11:30hrs) tras recibir o impacto dun bolardo contra o que previamente chocara un turismo.
Os feitos sucederon ás 11.30 horas na Rúa Real, xunto a praza de Fefiñáns. Un vehículo golpeou un dos bolardos metálicos que separan a zona de circulación dos vehículos e a área peonil, e este saíu disparado batendo na muller. O bolardo golpeou nas costas a unha muller de 67 anos, P. P. C. Protección Civil de Cambados explica que a muller foi atendida por unha ambulancia do 061, que a trasladou ao Hospital do Salnés. Queixábase de dor lumbar e cervical.
Nun primeiro momento ao CIAE-112 chegara o aviso dun atropelo.
Participaron no efectivo o Servizo de Emerxencias do Concello de Cambados, a Policia Local de Cambados e a Ambulancia do 061.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.