CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta CAMBADOS. Amosar todas as publicacións
Amosando publicacións coa etiqueta CAMBADOS. Amosar todas as publicacións

20 de febreiro de 2018

RESULTADOS DO CAMPEONATO DE POWERLIFTING WPC “CAMBADOS CAPITAL DO ALBARIÑO” 2018.










O pasado sábado déronse cita en Cambados (Pontevedra) varios dos mellores Powerlifters de españa no I Open Nacional “ cambados Capital do Albariño” 2018, organizado polo Club Vital Sport Cambados, o Club GT Team de Teixeiro (A Coruña) e o Ilmo Concello de Cambados.
A cita se saldou, na súa Categoría Elite, coa vitoria do madrileño Daniel Martínez , o multicampeón do mundo veu á capital do albariño disposto a non deixar dúbidas e sentenciou o campionato na primeira proba cunha Sentadilla case inhumana de 360 kg.

Os seus inmediatos perseguidores remontaron un pouco na segunda proba con grandes marcas na modalidade de Press Banca (217,5 kg César Agüera e 227,5 kg Guti) pero non foron suficientes para igualar ao Uruguaio afincado en Madrid, que tamén se impuxo na modalidade de Peso Morto, entre estes competidores fixeron 3 das 6 mellores puntuacións da historia de Powerlifting en España batendo ademais dous récords de España. A categoría completárona o Villagarciano Carlos Berride e Jaime Carballo con incribles marcas de 300 kg.
O triunfo en categoría feminina Nacional foise igualmente a Madrid da man de Isabel Sanz que con só 19 anos ostenta varios récord de España. O Open Nacional masculino, tremendamente disputado, con 14 competidores no que se bateron dous Récords Nacionais, un deles consecutivamente en dúas ocasións por competidores correlativos en quenda de competición, e tendo unha actuación estelar o Catalán José Luís Domínguez que bateu o actual Récord do Mundo de Press de Banca en categoría sub- junior e en Alejandro Serrano que se proclamou campión do Open.

Outros resultados foron: Campión masculino Press de Banca: Roberto Vázquez (récord de españa).
Campión masculino Peso Morto: Alejandro Serrano.
Campioa feminina Press de Banca: Leticia Fernández .
Campioa feminina Peso Morto: Isabel Sanz

VÍDEO-RESUMO





PROXECTO PARA VINCULAR TURISMO E CULTURA MARIÑEIRA










Os concellos de Vilagarcía de Arousa, Cambados, Sanxenxo e Cangas presentarán aos Grupos de Acción Local Pesqueira (GALP) un proxecto para aproveitar o recurso que supón a cultura marítimo pesqueira da zona para desestacionalizar o turismo. A proposta consiste na organización dun programa de actos lúdicos e culturais relacionados coa temática mariñeira que se desenvolvería en tres xornadas consecutivas co obxectivo de atraer visitantes ás respectivas localidades fóra da tempada estival. Segundo avanzan os impulsores, o programa das devanditas xornadas incluiría desde actuacións musicais a degustacións gastronómicas, pasando por charlas e exposicións fotográficas de carácter etnográfico, ata visitas a talleres ambientais. Tamén se prevé a realización de showcookings e cursos de cociña para nenos. Todo relacionado co mar, a costa, os costumes da zona e as prácticas directamente ligadas coa vida e os traballos dos mariñeiros e mariscadores. A idea é celebrar estas xornadas fóra da tempada estival e durante un fin de semana completo en cada un dos municipios, de modo que o programa sirva como atractivo para atraer visitantes e que estes poidan quedar varios días na zona.






19 de febreiro de 2018

ACTIVIDADE SMARTPEME "COLABORA CÓ TEU EQUIPO DUN XEITO MÁIS SINXELO"












O obradoiro vai dirixido a todos aqueles emprendedores e empresarios que necesiten modernizar o modo nos que se comunican os seus traballadores, tendo sempre en conta que a comunicación en tempo real permite tanto a innovación, como a competitividade. Coa velocidade de desenvolvemento vertixinosa de hoxe en día, é necesario simplificar a comunicación e apostar por unha organización accesible a todos. Coñeceremos unha ferramenta moi útil e versátil como " SLack" para poder levar a cabo todas estas ideas.   

Índice de contidos

1. Traballo en equipo.
2. Simplificación da comunicación.
3. Procura da información.
4. Optimización de fluxos de traballo.
5. Exemplo práctico.  Slack.

O obradoiro será impartido por José Luis Taboada, inxeneiro Informático con máis de 20 anos de experiencia, e especializado en sistemas informáticos.

Para solicitar praza para o evento, é necesario inscribirse







O CLUB PIRAGÜISMO CAMBADOS LEVA O V TROFEO CONCELLO DE RIANXO DE KAIAK DE MAR











O conxunto cambadés forxou o seu triunfo coa vitoria na xeral masculina e un cuarto posto en mulleres, na que o primeiro clasificado foi o Club de Mar Ría de Aldán. Na tarde do sábado celebrábase nas inmediacións da lonxa de Rianxo o V Trofeo Concello de Rianxo pertencente á liga galega de kaiak de mar, na que participaban preto de douscentos deportistas. Ao termo de todas as saídas da regata o Club Piragüismo Cambados sumaba 338 puntos que lle daban o triunfo na clasificación xeral do trofeo, a segunda posición con 249 foi para o Club de Mar Ría de Aldán , á súa vez o Club Piragüismo Olívico alcanzaba a cifra de 200 puntos para lograr o terceiro posto. Ademais fíxose entrega do II Trofeo Toffe aos clubs gañadores das clasificacións masculina e feminina, neste caso o Piragüismo Cambados foi o gañador en masculino e o Ría de Aldán en feminino. Polo que respecta á clasificación individual a vitoria en K1 Sprinter senior masculino foi para Jacobo García (E. P. Cidade de Pontevedra), en segunda posición chegou a meta Miguel Pérez (Piragüismo Cambados), sendo terceiro Daniel García (Náutico Cobres). Pola súa banda, María do Palacio (Piragüismo Olívico) logrou a medalla de ouro en muller K1 Sprinter senior, por diante de Araceli Menduíña (Ría de Aldán) e a súa compañeira de equipo Marta Hermida segunda e terceira respectivamente. A próxima competición da liga celebrarase o día 1 de maio en Cambados.








17 de febreiro de 2018

I CAMPEONATO NACIONAL DE POWERLIFTING EN CAMBADOS











O Club Vital Sport Cambados, o Club GT Team da Coruña, e o Ilmo. Concello de Cambados, organizan hoxe sábado día 17 de febreiro, a partir das 10:30 horas, o primeiro Campionato de Powerlifting "Cambados Capital do Albariño" 2018, no que competirán atletas de nivel nacional e internacional. Un evento espectacular de Forza no que se verán deportistas de todos os niveis, desde principiantes e debutantes, a competidores nacionais e internacionais que tentarán conseguir algún Record Oficial.

Estades todos convidados a vir e gozar do campionato, e animar a todos os competidores. O Campionato terá lugar en horario de mañá e de tarde. Pola mañá participarán principiantes e debutantes neste deporte, e pola tarde competidores Nacionais e Internacionais.

Lugar: Salón Peña





16 de febreiro de 2018

ESTE DOMINGO ARRANCA O CICLO TEATRO ÁS SEIS











“O segredo do Tendal” de Raquel Queizás, será a primeira das representacións dun novo ciclo de Teatro ás seis que arranca este domingo 18 ÁS 18Hrs. A entrada é de 3,50 euros para o público xeral e de 2,50 euros a reducida para parados, xubilados e menores de 18.
O espectáculo é unha mestura de teatro, monicreques e pantomima
Colgadas no tendal, as letras senten o sol a facerlles cóxegas e bailan unhas coas outras. A roupa tamén quere xogar coma elas: as pinzas axudan a un pano a medrar ata se converter nunha montaña, unha toalla foxe correndo entre as cordas... ou é un can de palleiro?

Este espectáculo de Raquel Quiezas xoga a tensar os límites entre teatro, monicreques e pantomima, e con eles as fronteiras da imaxinación máis alá do escenario, case nada é o que parece. 
Grazas a unha técnica de manipulación de panos inspirada nos mestres de monicreques orientais o escenario pasa de mostrar pezas de roupa secando ao sol a ser o interior dun castelo, un mar poboado por sereas, ou a cova dun feroz polbo gardián dun tesouro.




UNHA MOZA FERIDA NUN ACCIDENTE NO BREXO









Eran cerca da 1 e media da noite cando se producía un accidente na Avenida de Castrelo, pouco despois da curva do Brexo dirección Castrelo.



No suceso víronse implicados tres vehículos. A consecuencia do choque unha rapaza veciña de Cambados de 20 anos resultou ferida i evacuada ao Hospital do Salnés, con feridas leves.
Ao parecer o vehículo conducido pola moza saeuse da calzada batendo contra outros dous turismos aparcados e sin ninguén no interior.

Na intervención colaboran a Garda Civil de Cambados, Servizo de Emerxencias do Concello de Cambados , Garda Civil de Tráfico, Ambulancia do 061 e Bombeiros do Salnes.






9 de febreiro de 2018

CICLO DE TEATRO FAMILIAR EN CAMBADOS














Cambados terá un ano máis unha nova edición do Ciclo de Teatro Infantil e Familiar, con representacións de catro obras no Auditorio Municipal da Xuventude.
As tardes dos domingos ás 18 horas poranse en escea durante catro semanas, senllas pezas teatráis dirixidas ao público familiar.

“O segredo do Tendal” de Raquel Queizás, será a primeira das representacións o vindeiro 18 deste mes.
Espectáculo que mestura teatro, monicreques e pantomima
Colgadas no tendal, as letras senten o sol a facerlles cóxegas e bailan unhas coas outras. A roupa tamén quere xogar coma elas: as pinzas axudan a un pano a medrar ata se converter nunha montaña, unha toalla foxe correndo entre as cordas... ou é un can de palleiro?
Este espectáculo de Raquel Quiezas xoga a tensar os límites entre teatro, monicreques e pantomima, e con eles as fronteiras da imaxinación máis alá do escenario, case nada é o que parece. 
Grazas a unha técnica de manipulación de panos inspirada nos mestres de monicreques orientais o escenario pasa de mostrar pezas de roupa secando ao sol a ser o interior dun castelo, un mar poboado por sereas, ou a cova dun feroz polbo  gardián dun tesouro.
Para o seguinte domingo, 25 de febreiro, “Os Rockenstein” de Malasombra Produccións. 
Espectáculo teatral-musical para toda a familia da compañía Malasombra
O profesor Rockenstein é un brillante científico que pasa a súa vida metido no laboratorio investigando novas fórmulas para beneficio da humanidade. Pasa os seus días entre probetas, computadores, tubos de ensaio e microscopios, mentres goza da súa gran paixón: o rock&roll. Pero Rockenstein está triste, sentese só. E de súpeto xorde a gran idea da súa vida: crear unha criatura! Un fillo con quen poder compartir o amor pola ciencia e polo rock&roll. Pero algo falla, a revolucionaria maquinaria que acaba de inventar vólvese tola e non sae un fillo, empeza a cuspir neles ata que saen tres.
Non só ten con quen compartir a súa vida e as súas paixóns, ten a súa nova familia con quen montar a Rockenstein band.
Os Rockenstein é un espectáculo de teatro-musical con 10 cancións orixinais para público infantil e familiar.

Xa en marzo, concretamente o domingo 4 de marzo “Sherlock Holmes” de Cayetano Lledó.
Espectáculo de maxia de Cayetano Lledó
Espectáculo de maxia teatralizada, con comedia e humor indicado para público familiar.
O famoso detective Sherlock Holmes enfrontarase esta vez a un complicado e emocionante caso. As xoias da mansión dos Patterson foron roubadas. Sospéitase de todo o persoal que traballa na casa, de todo aquel que estivera polas cercanías da mansión o día do roubo. Coa axuda do público o famoso detective tentará descubrir ao culpable e recuperar as xoias.
Ilusionismo teatral con comedia, maxia musical, manipulación de cartas, malabarismo, clown, mentalismo, hipnose.

Para rematar o ciclo o domingo 11 de marzo “Os fabulosos cleanners” de Malasombra Produccións.
n espectáculo de pompas de xabón para todos os públicos. Unha experiencia visual para participar toda a familia.
O autor alacantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre outros) dirixe a parte técnica deste sorprendente espectáculo.
Dous operarios da limpeza do teatro, descobren por casualidade as posibilidades que lles ofrecen as súas ferramentas de traballo combinadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas e burbullas.
O público sorprenderase e gozará con estas máxicas burbullas; pompas transparentes, con fume, con vapor, pequeñas, grandes, estáticas ou voando polo escenario. O espectador camiñará da man destes personaxes por un mundo máxico, cheo de cor e de moito, moito humor, e verase sorprendido dentro dun patio de butacas repleto de miles de pompas de xabón.

A entrada é de 3,50 euros para o público xeral e de 2,50 euros a reducida para parados, xubilados e menores de 18.




ACCIDENTE CON FERIDOS NA AUTOVÍA DO SALNÉS AO SEU PASO POR CAMBADOS












Tres feridos nun accidente na Autovía do Salnés en Cambados. Polo menos tres vehículos implicados e 2 feridos confirmados. O sinistro tivo lugar as 14:20 desta tarde.
Dous accidentes en un
Minutos despois das 2 e cuarto da tarde un vehículo, Renault Clio conducido por R.C.B. veciña de Meis de 28 anos colidía lateralmente ao invadir o carril contrario contra o vehículo Ford Focus ocupado por O.S.C. e o seu fillo de Cambados.
A conductora do Focus sufre de dor cervical, lumbar e dorsal. A cambadesa tivo que ser excarcerada polos Bombeiros sendo trasladada pola ambulancia do 061.
O segundo accidente prodúxose polo despiste dos conductores cando, desatendendo á circulación, miraban para o primeiro incidente.
Foi un choque por alcance. A conductora do Corsa foi trasladada ao Hospital do Salnés pola ambulancia de Protección Civil. O ocupante do Puegeot saleu ileso.

Nestes intres están sendo atendidas no H. do Salnés.



Na intervención colabora a Garda Civil de Tráfico, Garda Civil de Cambados, Ambulancia do 061, Mantemento de Estradas e Bombeiros do Salnes. 






TODA A PROGRAMACIÓN DO ENTROIDO DE CAMBADOS













Venres de ENTROIDO 

A TÚA CARA SÓAME 22.30 h. 
Na Praza de Alfredo Brañas A túa cara sóame, espectáculo musical imitando o programa “Tu cara me suena” onde teremos actuacións con música en directo. Anímase a toda a xente a que veña disfrazada de cantantes ou grupos musicais. 

* En caso de choiva trasladarase ao recinto do Salón de Congresos e Exposicións J. Peña


Sábado de ENTROIDO 

A partir das 17.00 h. 
No Parque de Torrado animación infantil e inchables da man de Animar-T*. 

21.00 a 01.00 h. 
Na Praza de Alfredo Brañas, Discoteca Móvil La Chata. Organizado polos locais A Leria, Brothers e Baloca. 

* En caso de choiva trasladarase ao recinto do Salón de Congresos e Exposicións J. Peña.


Domingo de ENTROIDO 

DESFILE DE CARROZAS 16.00 h. 
Na Escalinata de San Tomé, recepción das carrozas e maquetas inscritas que participen no desfile. 17.00 h. Comezo do desfile das carrozas acompañadas da música do Grupo de Batucada Olodum do Coio polas seguintes rúas: Escalinata de San Tomé – Avda. de Galicia – Praza do Concello – Avda. de Madrid – Praza de Fefiñáns – Avda. da Coruña – Ribeira de FefiñánsPaseo da Calzada – Praza do Concello. O desfile será retransmitido polo DJ Studio 21. 
18.30 h. Entrega de diplomas dos premios do concurso de 300€ á 3ª clasificada, 400€ á 2ª clasificada e 500€ á 1ª clasificada. Ademais, farase constar a gratificación de 200€ ás carrozas e de 100€ ás maquetas pola súa participación. 
(Para máis información, consultar as bases) 

* En caso de choiva o desfile farase o martes 13 ou como última data o sábado 17 de febreiro

Luns de ENTROIDO 

BAILE INFANTIL E CONCURSO DE FILLOAS 17.00 h. 
No Salón de Congresos e Exposicións J. Peña, Baile de Entroido Infantil con animación a cargo de Chic e premios para os mellores disfraces individuais de 50€, parella 100€, grupo de 150€. Ditos galardóns serán cambiables en establecementos comerciais asociados a Zona Centro. Organizan, xunto co Concello, a Confraría de Pescadores San Antonio e Zona Centro. (Para máis información, consultar as bases). 
17.30 h. Concurso de Filloas na Sala de Degustacións do Salón de Congresos e Exposicións J. Peña con premios de 100€ ás máis saborosas e 100€ ao maior número de filloas feitas en 30 minutos. O resto dos participantes recibirán unha gratificación de 60€. 
(Para máis información, consultar as bases).

Martes de ENTROIDO 

GRAN CONCURSO DE DISFRACES XUVENÍS E ADULTOS E CONCURSO DE COMPARSAS 17.00 h. Na Praza do Concello, Concurso de Disfraces nas categorías de xuvenil e adulto amenizado polos DJs Studio 21 con premios en vales de compra nos establecementos comerciais asociados a Zona Centro ao mellor disfrace individual de 100€, parella 150€ e grupo 200€. 18.30 h. 
Concurso de Comparsas con premios para as tres primeiras clasificadas: un 1º premio de 300€, un 2º premio de 200€ e 3º premio de 100€. Para o resto de participantes non premiados haberá unha gratificación de 100 €. 
(Para máis información, consultar as bases) 
*En caso de choiva ambos concursos trasladaranse ao Salón de Congresos e Exposicións J. Peña. 
* En caso de traslado do concurso de carrozas ao martes 13 de febreiro, o concurso de disfraces pasará a realizarse o domingo 11 de febreiro, no Salón Peña

Mércores de CINSA 

ENTERRO DA SARDIÑA 18:00 h. Na Praza do Concello*, degustación de doces típicos do Entroido, grazas á colaboración da Asociación “Amas de Casa Albariño”. 
19.00 h. Trala papatoria, terá lugar a homilía, antes do Enterro da Sardiña, que este ano guiará o Abade Avelino González cos cánticos sacros de Charanga Os Jaláticos e Olodum do Coio. Choróns e choronas quedades todos convidados formar parte deste sepelio que terá lugar na praia de San Tomé... para acabar con Don Macho-Man, a lacra do machismo na sociedade actual, queimándoo no lume purificador. 
* En caso de choiva trasladarase ao recinto do Salón de Congresos e Exposicións J. Peña.


Bases dos concursos








8 de febreiro de 2018

CRECE A PRESENZA DOS VIÑOS DA D.O. RIAS BAIXAS NOS MEDIOS










O C. R.D.O. Rías Baixas fai un balance “moi positivo” da súa faceta mediática en 2017, ano no que se converteu no cuarto Consello Regulador de España con maior presencia en medios, escalando un posto con respecto a 2016. Así o corrobora un recente informe elaborado polo consultora Castro Galiana, que apunta que a presenza da D.O. Rías Baixas, as súas adegas e marcas na prensa de 2017 foi próxima ao 7%, incrementando as súas aparicións nun 1% e superando a Xerez. Preto de 200 millóns de lectores tiveron o ano pasado máis de 40 millóns de exemplares de diarios ou revistas que contiñan noticias desta denominación de orixe, as súas adegas e marcas. As noticias relativas a Rías Baixas só víronse superadas polas relacionadas coas denominacións de orixe Rioxa Cualificada (22,45%), Ribeira do Douro (8,39%) e Cava (7,15%). En momentos puntuais do ano, Rías Baixas mesmo chegou a situarse como o segunda D.O. máis mediática de España. Pola súa banda, as 125 actividades promocionais organizadas polo Consello Regulador en 2017 (salóns do viño, presentacións ou túneles do viño) chegaron a 7.447 profesionais do sector. Nelas participaron 275 marcas diferentes, pertencentes a 96 adegas desta denominación. Finalmente, un total de 88 catadores, xornalistas especializados en viños ou de lifestyle, educadores de viño, distribuidores e importadores visitaron a Denominación de Orixe Rías Baixas nas catorce misións inversas que se organizaron durante o pasado ano.







JUAN GALIÑANES ESTREA O SEU NOVO TRABALLO EN CAMBADOS














Mañán venres 9 de Febreiro podedes asistir á estrea de 'Mariñeiro', unha curtametraxe documental de Juan Galiñanes. Moi recomendable!
O realizador cambadés Juan Galiñanes dedica o seu novo traballo, " Mariñeiro", unha curtametraxe promovida polo Grupo de Acción Local Pesqueira (GALP) da ría de Arousa. A película, duns 20 minutos de duración, é un canto á memoria e á ría. Concibido coa técnica do documental, é o froito de decenas de entrevistas que o propio Galiñanes tivo con mariñeiros de varios portos arousáns, desde o do Grove ao de Ribeira.

Fillo de mariñeiro, neto de subastador de lonxa, sobriño de mariñeiros... Este proxecto é especial para Juan Galiñanes

Podedes solicitar invitacións en estreagalpriadearousa@gmail.com ou ben nos teléfonos 651 617 466 (se se chama en horario de mañá), ou 629 589 930, pola tarde.

A proxección de " Mariñeiro" é ás 18.45 horas, no auditorio da Xuventude.




5 de febreiro de 2018

RÍAS BAIXAS PRESUME DE FESTAS DE INTERESE TURÍSTICO CUNHA PRESENTACIÓN CONXUNTA













Turismo Rías Baixas promocionará nun paquete conxunto as 9 festas de interese turístico nacional e internacional que se celebran na provincia este ano, na procura dun turismo de calidade e desestacionalizador Rías Baixas presume de festas de interese turístico cunha presentación conxunta A Deputación de Pontevedra repite coas festas de interese turístico a exitosa fórmula ensaiada cos #RíasBaixasFests, que agrupou baixo unha campaña promocional conxunta e unha única marca os festivais de música máis relevantes da provincia. Así, a presidenta provincial, Carmela Silva, reuniu na sede de Turismo Rías Baixas, en Pontevedra, aos e as representantes dos municipios que acollen festas de excelencia para presentar nun único paquete as datas e as principais novidades das edicións deste ano. Son nove as festas da provincia catalogadas de interese turístico; catro delas, gozan do recoñecemento internacional: a Festa dá Arribada de Baiona, a Romaría Viquinga de Catoira, o Corpus Crhisti de Ponteareas e Rápaa dás Bestas da Estrada; e outras 5 son de interese nacional: a Festa do Albariño de Cambados, a Festa do Marisco do Grove, a Feira do Cocido de Lalín, a Festa da lamprea, de Arbo, e a Festa da auga, de Vilagarcía de Arousa.
"Grazas por ser capaces de entender que xuntos e xuntas somos máis fortes. Dar imaxe de provincia é positivo para todo o territorio, e para cada un dos municipios", sinalou Carmela Silva, dirixíndose aos e as representantes municipais. A presidenta destacou que o Plan Estratéxico de Turismo identifica as festas de interese turístico nacional e internacional como un produto estratéxico que se debe poñer en valor como unha marca singular. Ademais, as festas de interese turístico "teñen a capacidade de atraer este tipo de turismo que queremos na provincia, desestacionalizador, con visitantes que buscan a gastronomía de excelencia, cultura e paisaxe". Como continuación á campaña turística #SomosHistorias, presentada en Fitur, Turismo Rías Baixas dará a coñecer de forma conxunta as festas de interese turístico en todos os eventos promocionais aos que acuda. O eixo da campaña é a posta en valor do patrimonio da provincia de Pontevedra; neste sentido, as festas de interese turístico enmárcanse no patrimonio inmaterial, xa que están baseadas nunha profunda tradición e arraigamento local que as fai únicas. As festas nacionais
Feira do Cocido. Lalín, domingo 4 de febreiro. É a festa do inverno, por excelencia e a primeira do calendario de festas nacións da provincia. Comezou como unha xornada de exaltación gastronómica e a súa durción foise prolongando, de forma que xa se celebra o "Mes do Cocido". O cartel conmemorativo sempre está asociado á posta en valor das artes plásticas, dada a importante canteira artística lalinense. En 2018 cumpriu 50 anos.

Festa da Lamprea. Arbo, 27, 28 e 29 de abril de 2018. Festa de referencia na primavera, está dedicada a exaltar un produto claramente asociado ao destino Rías Baixas e cualificado como "a raíña do Miño". A festa cumpre este ano o seu 38 aniversario e o seu alcance vai máis aló da propia lamprea, xa que actúa a modo de escaparate dos produtos de calidade da comarca de Condado Paradanta. Festa do Albariño. Cambados, do 1 ao 5 de agosto de 2018 celébrase a 66 edición desta festa que ten a clasificación de "interese nacional" desde 1990. A súa orixe remóntase a un concurso entre adegas, coincidindo coa festividade da Virxe da Pastora, patroa de Cambados. Hoxe é un multitudinario evento que en 2017 congregou a máis de 200.000 persoas e que converteu a vila na capital mundial do Albariño. Festa da auga. Vilagarcía de Arousa, 16 de agosto de 2018. Vilagarcía rememora o costume dos romeus e #romeu de San Roque, que pedían refrescarse despois da procesión, cun gran remojón colectivo. Esta festa pagá asociada a un acto relixioso xa conta con 34 anos de celebración e reúne cada ano a miles de persoas. A súa antigüidade, a súa continuidade, a súa orixinalidade e a súa diversidade valéronlle o recoñecemento de interese turístico. Festa do Marisco. O Grove, do 4 ao 18 de outubro de 2018. Os dous sectores estratéxicos do municipio, o mundo do mar e o da hostalería, conflúen neste evento que actúa de escaparate dos mellores produtos da ría de Arousa. Nos últimos anos foi evolucionando cara á concienciación sobre a sustentabilidade dos produtos do mar e a calidade. Deste compromiso, xurdiu o acordo coa confradía de pescadores que garante a trazabilidad de todo o marisco e a súa procedencia 100% galega. En 2018 cumpre 55 anos de celebración. As festas internacionais
Festa da Arribada. Baiona, 3 de marzo de 2018. Esta festa recrea o anuncio do descubrimento de América e os modos de vida da época mediante a celebración dun gran evento lúdico xa consolidado como unha das feiras medievais máis espectaculares de Galicia. En 2018 cúmprese o 525 aniversario do regreso da Carabela Pinta tras o descubrimento. As praias de Baiona e o seu centro histórico, declarado conxunto artístico, contribúen ao éxito da festa ano tras ano. Corpus Crhisti. Ponteareas, 3 de xuño de 2018. O que comezou como unha tradición de comezos do século XX para facer pequenas alfombras ao paso da procesión de Corpus foi máis aló do estritamente relixioso e hoxe é un evento de arte efémera no que se implican co seu traballo todos os veciños e veciñas. A vila engalánase con máis 5.000 metros cadrados de alfombras florais, realizadas pola comunidade local, que colleita flor durante todo o ano e esfóllaa con tesón e paciencia. Unha festa que mobiliza os sentidos da vista, o tacto e o olfacto. Rapa dás Bestas. A Estrada, do 6 ao 9 de xullo de 2018 celébrase unha festa de tradición local datada no século XVIII na que a comunidade local desparasitaba as bestas. En Sabucedo non úsanse cordas, nin varas nin aparellos para reducir ao animal senón que son os " aloitadores" e " aloitadoras" os que cortan as crines e desparasitan os animais no curro os días da festa e durante o ano coidan as mandas que pacen libre no monte. A Rapa dás Bestas é ademais icona fotográfica de Galicia. Romaría Viquinga. Catoira, 5 de agosto de 2018. A recreación do desembarco viquingo nas Torres de Oeste celebra a súa 58 edición co seu habitual espectáculo teatral ao que asisten cada ano miles de persoas. O evento pon en valor a cultura identificativa de numerosos pobos da Europa Atlántica.


Fonte: http://turismoriasbaixas.com








SEIS OBRADOIROS "SMARTPEME" EN FEBREIRO EN CAMBADOS















O Centro ExpoSalnés de Cambados acollerá durante o mes de febreiro seis obradoiros ao abeiro do programa "SmartPeme" da institución provincial. "SmartPeme" oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.
A actividade deste mes arranca este luns 5 de febreiro co obradoiro "Imos chamar á porta da túa clientela: Posicionamento SEO". O seguinte, "Woocommerce I–A solución para vender por internet", terá lugar o xoves 8 de febreiro. O terceiro obradoiro do mes nas oficinas de Cambados será "Mide os teus obxectivos en redes sociais: Análise de estatísticas", o martes 13 de febreiro. Pola súa banda, o luns 19 de febreiro impartirase "Colabora co teu equipo dun xeito máis sinxelo". As dúas últimas citas do mes serán "Emprego de vídeos nas redes sociais: Youtube, Periscope...", o mércores 21 de febreiro, e "Mellora a calidade das túas imaxes con editores online", o mércores 28 de febreiro. A oficina "SmartPeme" de Cambados, no Centro ExpoSalnés, atópase no paseo da Calzada, s/n e as inscricións pódense facer no número de teléfono 886 202 020, o correo electrónico info.smartpeme@depo.es ou a páxina web www.smartpeme.depo.galTodas as actividades comezan ás 19 horas.





3 de febreiro de 2018

UN FERIDO NUN ACCIDENTE NOS CATRO CAMIÑOS










Sobre as 21:40 prodúxose un atropelo nos Catro Camiños. Un coche atropelou ao propietario da Pastelería Saremi.
O ferido B.P.C de Cambados foi trasladado a un centro hospitalario. Concretamente ao Hospital do Salnés con danos nunha clavícula, por unha ambulancia do 061.
A conductora do vehículo M.J.R.G. veciña da Illa resultou ilesa.





2 de febreiro de 2018

APRÓBANSE AS BASES DE REESTRUTURACIÓN PARCELARIA DA ZONA DE OUBIÑA (2º SECTOR), EN CAMBADOS











O Diario Oficial de Galicia (DOG) publica hoxe a aprobación das Bases de reestruturación parcelaria da zona de Oubiña (2º sector), no concello de Cambados. Este paso supón a determinación da titularidade das parcelas achegadas á reestruturación e a súa clasificación agronómica, así como a representación xeométrica en planos. Neste caso, falamos da reorganización de 46 hectáreas e 684 parcelas pertencentes a 172 propietarios.
Con este anuncio, a consellería pon en coñecemento dos veciños, que serán notificados individualmente, a apertura do prazo de 1 mes de exposición pública das Bases, as cales se poderán examinar no Concello de Cambados, e ante as que pode interpoñer recurso de alzada. Os documentos que é posible revisar refírense aos predios achegados, onde constan as situacións xurídicas de titularidade, cargas, servidumes, etc, de cada un deles, a súa clasificación agronómica e os planos onde quedan reflectidas.
Lévanse investido dende o inicio da concentración case 900.000 euros que se destinaron na súa meirande parte á execución da rede de camiños principais (730.751 euros) e a investimentos en servizos técnicos como o levantamento do parcelario, a concreción das propias Bases, a redacción do Acordo de reestruturación e o marqueado das futuras novas fincas, etc. (case 150.000 euros).




30 de xaneiro de 2018

A OMIX DE CAMBADOS INFORMA DE OFERTAS DE EMPREGO E CURSOS












-Convocatoria docentes para curso AFD  de “Operacións básicas de restaurante e bar”.

Presentación de solicitudes, data e horario: Instancia dirixida á Alcaldesa, durante o prazo de 5 días naturais en modelo que se facilitará no Rexistro Xeral da Corporación a contar dende o día seguinte ao da publicación do presente anuncio en horario de 9,00 a 14,00 horas. Se o último día do prazo fose inhábil, entenderase prorrogado ao primeiro día hábil seguinte.  Bases e convocatoria: Pódense consultar na Secretaría Xeral do Concello, e no portal de transparencia (transparenciacambados.gal)


-“Programa Operativo de Empleo Juvenil” (POEJ) que está poñendo en marcha Cruz Roja

Poden poñerse en contacto con Cruz Roja Pontevedra (para cualquiera dúbida ou aclaración Telf.: 986852115 ext. 61467
Email: epradom@cruzroja.es





-Concurso para o cartel anunciador de Xuventude Crea 2018


A Consellería de Política Social, a través da Dirección Xeral de Xuventude, Participación e Voluntariado, con motivo do programa Xuventude Crea 2018, convoca un concurso co fin de elaborar o cartel do dito programa.
PARTICIPANTES
Poderán participar no concurso todas aquelas persoas de entre 18 a 30 anos, ambas inclusive, e residentes en Galicia, agás o/a gañador/a do premio na edición do ano anterior.
TEMA
O tema e a técnica serán libres. As obras deben incluír obrigatoriamente o texto “Programa Xuventude Crea 2018” así como as especialidades que o compoñen: artes plásticas, banda deseñada, cociña, deseño de xoias, fotografía, graffiti, moda, música, relato breve, poesía, skate, teatro e videocreación.
Admitiranse traballos realizados tanto de forma individual como en grupo.
CONDICIÓNS
Cada autor/a ou autores/as poderán participar con dúas obras orixinais, inéditas e en galego.
A obra premiada pasará a ser propiedade da Dirección Xeral de Xuventude, Participación e Voluntariado, que adquirirá sobre esta o dereito pleno á súa utilización, reprodución e difusión.
A citada dirección xeral queda facultada para introducir algunha modificación na obra premiada se existira algunha dificultade técnica para a súa impresión ou para introducir algún texto ou logotipo que non figure inicialmente nestas bases.
O cartel gañador será a imaxe do Programa Xuventude Crea 2018 e poderá ser utilizado parcial ou totalmente para o seu deseño, páxina web ou calquera outra iniciativa que considere a organización.