CIDADE EUROPEA DO VIÑO 2017

CIDADE EUROPEA DO VIÑO 2017
CIUDAD EUROPEA DEL VINO 2017
Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.
Amosando publicacións coa etiqueta SALNES. Amosar todas as publicacións
Amosando publicacións coa etiqueta SALNES. Amosar todas as publicacións

2 de febreiro de 2018

VOLVE SUBIR O PARO A TODOS OS NIVÉIS











A pesar das boas cifras económicas que Consello tras Consello transmite a Xunta de Galicia, o certo é que o paro segue aumentando en Galicia. Así, o número de parados rexistrados nas oficinas dos servizos públicos de emprego (antigo Inem) subiu en xaneiro en Galicia en 4.873 persoas respecto ao mes anterior (+2,63%), por encima da media estatal (+1,9%).

Na provincia de Pontevedra o número de parados rexistrados nas oficinas dos servizos públicos de emprego (antigo Inem)subiu en xaneiro en 1.814 desempregados respecto ao mes anterior (+2,46 %), arrastrado principalmente polo sector servizos, que acusou o fin da campaña do Nadal, segundo informou este venres o Ministerio de Emprego e Seguridade Social.

Polo que respecta a nosa comarca o Salnés veu como o paro aumentaba en 187 persoas, destacando Cambados, Vilagarcía e Sanxenxo con 41, 57 e 46 novos parados.
Con estos datos hai na comarca do Salnés 9.661 parados, 187 máis que o mes anterior.

En España, o paro situouse en xaneiro en 3.476.528 persoas, con 63.747 desempregados máis, un 1,87 por cento.
O dato da taxa interanual é positivo, con 283.703 desempregados menos, un 7,54 por cento.






18 de xaneiro de 2018

O SALNÉS TRIUNFOU EN FITUR´18












A Deputación deixa a súa pegada en Fitur "tocando o máis fondo dos sentimentos para invitar a coñecer o inmenso patrimonio da provincia"
A presidenta Carmela Silva presentou ""Somos Historias", a emotiva curtametraxe na que a figura de María Vinyals pon en valor todo o patrimonio cultural e natural da provincia.

A presidenta da Deputación de Pontevedra, Carmela Silva, acompañada dos deputados e deputadas provinciais e os alcaldes e alcaldesas de todas as comarcas da provincia de Pontevedra, presentou esta mañá no Pavillón 9 de Fitur a acción promocional do destino Pontevedra provincia "Somos Historias". Ante un auditorio, un ano máis, repleto de xente, Silva, acompañada de Patricia Torres, a actriz protagonista da curta promocional, e o historiador provincial Diego Piay, deron a coñecer o papel decisivo de María Vinyals nesta campaña para coñecer ao través da súa figura o patrimonio histórico e natural da provincia de Pontevedra.

"Somos Historias" é unha curtametraxe que ten como fío condutor a coñecida como a "Marquesa Roxa" e precursora do activismo en defensa das mulleres, María Vinyals, que da nome ademais a Escola de Igualdade da Deputación, para amosar toda a riqueza patrimonial do destino Rías Baixas, "un lugar que é o verdadeiro paraíso", tal e como asegurou Carmela Silva. A curtametraxe, desde a emoción, amosa como unha muller xoven e moderna descubre no Museo de Pontevedra unha imaxe de María Vinyals e, a partir dela, comeza a interesarse por esta figura feminina e pola provincia de Pontevedra, ata o punto de chegar a identificarse totalmente coa Marquesa nada no Castelo de Soutomaior. A partir de ese paraxe, a curtametraxe pon en valor significados elementos do patrimonio da provincia de Pontevedra con localizacións en todas as comarcas como O Deza, Tabeirós, Salnés, Caldas, Baixo Miño, Vigo, O Morrazo, Pontevedra ou O Condado.


A presidenta da Deputación de Pontevedra explicou que se seleccionou a figura de María Vinyals porque "os territorios se constrúen por aquilo que aportan as persoas. A natureza nos situou nun lugar marabilloso, cun patrimonio envexable, cun lugar que cheira a terra mollada, pero, sobre todo, un lugar cheo de persoas incribles como María Vinyals. Por iso estamos traballando para que as nosas historias segan vivas e compartilas con todas e todos os visitantes".  Carmela Silva destacou o importante papel desenvolvido por María Vinyals, "unha muller de grande capacidade e cultura, que falaba cinco idiomas e viaxaba por todo o mundo ata o punto que sempre que regresaba ao Castelo aseguraba que non había nada no mundo como a provincia de Pontevedra".  A presidenta tamén fixo fincapé en que "pese a situarse ao nivel de Clara Campoamor era unha grande descoñecida, da que cada día estamos a descubrir novas". Así, Silva informou que "hai dous días fomos recoller a Guimaraes, en Portugal, un caderno que custodiaba unha filla de Lluria, o segundo marido de María Vinyals, con impresións das persoas que visitaban o castelo de Soutomaior e, onte mesmo nunha librería, descubrimos un exemplar do libro "Rebelión", escrito por María, do que ata este momento pensábamos que soamente había un exemplar na Biblioteca Nacional".  Ao respecto, o historiador Diego Piay desvelou que "tamén onte nos chegaban informacións desde Londres da familia de María Vinyals, con datos que ata ese mesmo momento eran descoñecidos". 

Piay enxalzou o papel cultivado da Marquesa de Ayerbe, "autora dunha investigación rigorosa do Castelo de Soutomaior que aínda hoxe están a empregar os historiadores e historiadoras que estudan o recinto".  De feito, e de xeito anecdótico, o historiador remarcou que "sempre hai lendas de pantasmas vencelladas a castelos pero descoñecíanse algunha ligada a Soutomaior ata que, investigando, se descubriu que tamén María Vinyals recolleu nos seus escritos historias sobre o pantasma do castelo".

Arredor da figura de María Vinyals, "da que non sabemos nin onde nin como morreu", segundo informou Piay, configurouse esta acción promocional que pon en valor a riqueza patrimonial e histórica do castelo de Soutomaior no que viviron grandes personaxes históricos. Ao respecto, o historiador da Deputación recordou a Pedro Madruga, "un nobre galego moi poderoso e cheo de misterio" e do que Silva engadiu que "mesmo hai teorías que subliñan que era Cristóbal Colón". Tamén se recordou ao Marqués de la Vega de Armijo, tío de María Vinyals, "un político fundamental de finais do século XIX que ao converter ao castelo na súa residencia de verán converteuno tamén nun espazo polo que pasaron políticos e personaxes de todo o mundo fundamentais na historia de finais do século XIX", destacou Piay.

O Castelo de Soutomaior tamén permitiu poñer en valor as camelias das Rías Baixas xa que "ten un xardín espectacular no que as camelias son as raíñas", remarcou a presidenta da Deputación de Pontevedra. Neste eido, as persoas que presenciaron a acción promocional da institución provincial recibiron unhas caixas elaboradas por centros educativos da provincia de Pontevedra con nubes e galletas de camelia: "pechen os ollos, abran as galletas e pensen no castelo de Soutomaior, desfruten e soñen coa provincia de Pontevedra", convidou Silva ás persoas asistentes, ás que tamén avanzou que a esperada musealización do Castelo será inaugurada no próximo mes de abril.

Xunto á camelia, tamén houbo tempo de recordar a riqueza patrimonial da provincia de Pontevedra. Ao respecto, a presidenta provincial destacou que "neste ano 2018, Ano Europeo do Patrimonio, imos centrar a nosa campaña en este aspecto porque a nosa cultura nos permite amosar un destino multiexperiencial, algo que marca o Plan Estratéxico de Turismo que aprobamos o pasado decembro e imos a implantar ata o 2020".

"Somos Historias", a acción promocional presentada esta mañá en FITUR, é, en palabras da presidenta da Deputación de Pontevedra "unha aposta para que as nosas historias segan vivas e para compartilas con todas e todos os visitantes. En Pontevedra provincia "Somos historias", estou convencida de que se van namorar delas e as van facer súas xa que cando nos visiten non poderán esquecer a nosa gastronomía, cultura, patrimonio, lendas, atardeceres e amenceres -os máis fermosos do mundo-, o cheiro a terra mollada, os viñedos, a pedra e a auga, fervenzas, mar e ríos, petróglifos, castros e sobre todo a nosa vitalidade, hospitalidade e ese humor que nos caracteriza, que xa lles gustaría ter aos británicos. Por iso veñan e vivan as s historias con nós porque, como dicía María Vinyals, nada existe no mundo comparable á provincia de Pontevedra, xardín de España, verxel de Galicia".






16 de xaneiro de 2018

O SALNÉS DISPON EN 2018 DE 14.063.507€ DO PLAN CONCELLOS











A Deputación de Pontevedra pon a disposición dos concellos da provincia en 2018 un investimento histórico de 72 millóns de euros, o que representa un incremento do 75 % con respecto ao ano 2017. Destes, 42 millóns corresponden ao Plan Concellos 2018 e os outros 30 millóns proceden do plan 2019.
A principal novidade do Plan Concellos 2018 é que se trata dun plan bianual. Así, pon a disposición dos concellos un total de 72 millóns de euros, dos cales 42 millóns corresponden ao 2018 e 30 millóns á liña 1 do plan de 2019. O obxectivo do adianto do 2019 é dar resposta ás necesidades dos concellos ante a vaga de lumes sufrida en outubro de 2017. Deste xeito, serán subvencionables a recuperación de infraestruturas, equipamentos e outros bens de titularidade municipal por danos causados polos incendios.
O Plan Concellos 2018-2019 está destinado a todos os concellos da provincia, agás os de Vigo e Pontevedra, cos que a Deputación asina convenios propios para financiar as actuacións que precisen. A distribución dos fondos entre os concellos calcúlase aplicando criterios transparentes que teñen en conta a poboación, a superficie, os núcleos de poboación e a densidade de cada municipio.
Tres liñas de axuda
O plan bianual conta, ao igual que o do ano pasado, con tres liñas financiadas con fondos propios da Deputación de Pontevedra. A primeira delas está destinada a investimentos e conta con 28.501.200 euros, é dicir, un 10,7 % máis que en 2017, aos que hai que engadir os 30 millóns de euros da liña 1 do Plan Concellos 2019. En total, esta liña pon a disposición dos concellos 58.501.200 euros.
A liña 2 está centrada na amortización, pagamento de débedas e gastos correntes e no financiamento de actos culturais, sociais, deportivos e educativos, e está dotada con preto de 4 millóns de euros.
Pola súa banda, a liña 3 está destinada ao fomento do emprego para a conservación e o funcionamento de bens e servizos municipais, e conta con 9.540.000 euros, un 2,5 % máis que en 2017.
Criterios obxectivos
A distribución dos fondos do Plan Concellos efectúase aplicando unhas bases obxectivas que benefician os pequenos municipios e eliminan a discrecionalidade e a libre disposición.
Así, establécense tres grupos de concellos: o grupo 1 está integrado por concellos de ata 10.000 habitantes, que reciben o 44 % do plan, é dicir, 36.680.000 euros; o grupo 2 está composto polos concellos de entre 10.001 e 20.000 habitantes, que reciben o 34 % do plan, 24.480.000 euros; e o grupo 3 polos concellos de entre 20.001 e 50.000 habitantes, que reciben o 22 % dos recursos, é dicir, 15.840.000 euros.
A maiores dos 72 millóns de euros do Plan Concellos bianual, a Deputación destinará aos municipios ata 2019 outros 18 millóns de euros do Plan de Reequilibrio e outros 14 millóns para convenios con Vigo e Pontevedra, aos que se suman as partidas de programas específicos destinados á mellora do monte ou á compostaxe. En total, a institución provincial inxectará 110 millóns de euros para dotar os concellos dos máximos recursos.
Na comarca do Salnés

Os concellos da comarca do Salnés dispoñen en 2018 de 14.063.507 euros. Os municipios de Cambados, Catoira, O Grove, A Illa de Arousa, Meaño, Meis, Pontecesures, Ribadumia, Sanxenxo, Valga, Vilagarcía de Arousa e Vilanova de Arousa teñen á súa disposición máis de 6 millóns de euros de incremento con respecto ao ano 2017.









3 de xaneiro de 2018

BAIXA O PARO EN ESPAÑA, GALICIA E PONTEVEDRA. SUBE NO SALNÉS











O ano 2017 finalizou co menor número de parados dos últimos oito anos. A media de afiliación á seguridade social aumentou en máis de 600.000 persoas, e é a mellor cifra desde 2005. Estes son os datos de decembro, que acabamos de coñecer.
O mes pasado rematou con 61.500 parados menos en España, o que supón un descenso do 1,77 por cento. Así, a cifra total de parados inscritos nos servizos de emprego é de 3.412.781, como lle diciamos, a cifra máis baixa dos últimos oito anos.
Galicia segue a mesma tendencia. Decembro rematou con 2.262 parados menos. Iso supón un descenso do 1,16 por cento e deixa a cifra total de parados en Galicia en 185.013 persoas. 

Pontevedra pecha o ano con 73.644 demandantes de emprego. Un total de 831 pontevedreses atoparon traballo no último mes de 2017, o de decembro, segundo os datos que publicou este mércores o Ministerio de Emprego e Seguridade Social.
Así, a provincia rexistrou un descenso do 1,12% con respecto ao mes de novembro.
Esta tónica á baixa contrasta coa suba no mes de decembro no Salnés. O paro aumentou na nosa comarca en 145 persoas. O Grove e Cambados lideraron as subidas con 80 e 45 parados máis. Baixou o paro en Vilagarcía, Sanxenxo e Ribadumia en 15, 16 e 7 parados menos respectivamente.


Cifras boas que non supoñen, nin moito menos, que se cree emprego coa mesma intensidade. De feito, o mercado laboral galego finalizou o pasado exercicio con 21.713 afiliados máis á Seguridade Social; xa que logo, asináronse 47 contratos por cada novo posto de traballo creado. Case medio cento por cada emprego. 
Esa disparidade entre o número de contratos e o volume total de xente con traballo débese, fundamentalmente, a que os contratos temporais aumentan a un ritmo moito maior que os indefinidos




21 de decembro de 2017

CAMPAÑA DE NADAL DO COMERCIO DO SALNÉS














O Consorcio de Comercio do Salnés iniciou unha potente campaña de promoción para incentivar que as compras do Nadal realícense nos establecementos do Salnés. Oito das nove asociacións de comerciantes da comarca, a do Grove declinou a invitación ao ter xa moi avanzada a súa iniciativa local, sumáronse a unha campaña que terá como principal reclamo o sorteo de ata 5.000 euros en vales de compra para todos aqueles clientes que compren en establecementos asociados ata o próximo 19 de xaneiro. A cifra para sortear será diferente en función da asociación e o municipio do que esteamos a falar. En Meis, Meaño, Vilanova, A Illa e Ribadumia haberá trescentos euros en xogo. A cifra aumenta ata 1.000 euros se falamos dos comercios que forman parte de Entretendas (Sanxenxo) e ata 1.250 se o facemos de Zona Centro (Cambados) e Zona Aberta (Vilagarcía). O obxectivo é común: incrementar as vendas e evitar que «os clientes se vaian ás grandes superficies». Tamén, remontar un mal outono. Tal e como indican desde o Consorcio, «o tempo non axudou e as cifras foron peor que outros anos».






16 de decembro de 2017

EDUCACIÓN RECOÑECE O LABOR DE 4 CENTROS DO SALNÉS POR PROXECTOS INNOVADORES DAS BIBLIOTECAS ESCOLARES









Un total de 21 centros educativos resultaron galardoados no cuarto concurso de traballos por proxectos coordinados polas bibliotecas escolares, que impulsa a Consellería de Cultura, Educación e Ordenación Universitaria no contexto do Plan LÍA (Lectura, Información e Aprendizaxe) de Bibliotecas Escolares.
O obxectivo deste certame é recoñecer o labor que se desenvolve desde estes espazos para impulsar o uso de metodoloxías activas, a realización de traballos de investigación e interdisciplinarios e a adquisición das competencias informacionais por parte do alumnado. Así mesmo busca promover cambios no profesorado que faciliten a integración das tecnoloxías emerxentes, a mellora da calidade e a renovación das prácticas educativas.
Ao abeiro desta convocatoria, á que se destinaron 33.500 euros (un 10% máis que o ano anterior), concedéronse un total de 9 premios na modalidade de proxectos de carácter interdisciplinario ou proxectos documentais integrados coordinados desde a biblioteca escolar (Modalidade 1). Na modalidade 2, de proxectos de investigación dirixidos por profesorado, concedéronse catro premios na categoría a (traballos de grupo/nivel), un na categoría b (traballos de ciclo/departamento) e un na categoría c (proxectos realizados na materia de libre configuración Investigación e Tratamento da Información ou noutras materias equivalentes en ESO ou Primaria). No caso da modalidade 3, de proxectos intercentros, foron seis os centros galardoados.

Centros distinguidos


En concreto os centros galardoados na modalidade 1, con premios de 2.000 euros, foron a Escola de Educación Infantil (EEI) Barrionovo (Arteixo), os CEIP Nicolás del Río (Cedeira), Milladoiro (Malpica de Bergantiños), o Plurilingüe de Meaño-as Covas (Meaño), o Plurilingüe Sobreira Valadares (Vigo), de Leirado (Salvaterra de Miño) e Virxe do Corpiño (Begonte), e os IES Faro das Lúas (Vilanova de Arousa) e Castro Alobre (Vilagarcía de Arousa).
Na modalidade 2, con premios de 1500 euros, resultaron galardoados na modalidade a os CEIP Enrique Barreiro Piñeiro (Cambados) e Nosa Señora dos Remedios (Ponteareas), a EEI Concepción Crespo Rivas (Pontevedra) e o IES Celanova Celso Emilio Ferreiro (Celanova); mentres que na categoría b o recoñecemento foi para o CIFP Coroso (Ribeira) e na categoría c para o CEIP Quintela (Moaña).
Os centros galardoados na modalidade 3, con premios de 1000 euros, foron os CEIP Francisco Vales Villamarín (Betanzos), Felipe de Castro (Noia) e Plurilingüe Pepe de Xan Baña (Santa Comba), as EEI de Fontelo (Coirós), de Coirós de Arriba (Coirós), e o IES Plurilingüe de Fontexería (Muros).
A relación completa pode consultarse aquí.

Iniciativa en crecemento


O concurso de traballos por proxectos coordinados polas bibliotecas escolares é unha iniciativa en crecemento en número de traballos presentados. Non en balde, para esta cuarta edición analizáronse 102 proxectos realizados ao longo do curso 2016/17.
Así mesmo, cómpre sinalar que a calidade dos traballos presentados vai medrando ano a ano, propiciando o tratamento dos contidos curriculares a través de metodoloxías activas nas que o alumnado ten un importante protagonismo. Tamén que moitos dos proxectos se integran no medio no que está localizado o centro e incorporan ás comunidades educativas, transformando así a práctica de aprendizaxe nunha experiencia global que facilita a adquisición de habilidades e destrezas complexas e o desenvolvemento das competencias clave. De feito, algúns destes proxectos foron expostos nas pasadas VIII Xornadas de bibliotecas escolares, precisamente como un exemplo de boas prácticas.



6 de decembro de 2017

MODIFICACIÓNS NOS HORARIOS DO TORNEO DE BALONMÁN DO SALNÉS











Calendario definitivo do Torneo de O Salnés

Nos documentos adxuntos tedes o calendario definitivo do Torneo do Salnés, que se disputará do 7 ao 9 de decembro. Consultade os horarios, que hai algunha modificación con respecto aos primeiros.


NOMBRE TAMAÑOFECHA
VerDossier9,53 MB06/12/2017
VerHorario83,92 KB06/12/2017








5 de decembro de 2017

O TORNEO GALICIA-SALNÉS 2017 CELEBRARASE DO 7 AO 9 DE DECEMBRO











A sexta edición do Torneo Galicia-Salnés 2017 celebrarase do 7 ao 9 de decembro nas localidades de Cambados, Meaño, O Grove e Sanxenxo. O obxectivo prioritario deste torneo é a preparación do Campionato de España de selección territoriais, que este ano terá lugar en Pontevedra e Vigo a comezos do mes de xaneiro (2-7).
O torneo deste ano contará con varios partidos amigables preparatorios con clubs galegos, mentres que o título disputarase a un só partido contra a selección de Asturias en todas as categorías (infantil, cadete e xuvenil, tanto masculina coma feminina).
No dossier tedes toda a información sobre o torneo así coma o calendario e os pavillóns nos que se disputarán os diferentes partidos.





4 de decembro de 2017

VOLVE SUBIR O PARO NA COMARCA









Sobe o paro en novembro en España. Faino en 7.255 persoas. É un incremento dun 0,21 por cento. Deixa a cifra total de desempregados en 3.474.281.  Respecto ao mes anterior (un incremento do 0,2%), o nivel máis baixo do últimos oito anos.

En Galicia tamén medra o paro. Increméntase en 1.272 persoas. Supón o 0,68 por cento en relación ao mes anterior. A cifra de parados queda en 187.175.
A pesar de que a provincia de Pontevedra é a que menos incremento rexistrou no número de parados, é a que ten maior número de parados, 74.475 fronte aos 73.978 da Coruña. Lugo (18.321) e Ourense (20.401) teñen menor número de poboación e tamén de desempregados.


Polo que respecta a nosa comarca o paro voltou subir en todas as vilas agás na Illa de Arousa, que baixou en 12 persoas. Destaca o aumento de O Grove e Sanxenxo con 156 e 133 persoas máis paradas respectivamente En Cambados hai 31 incritos máis no paro. No total da comarca o aumento foi de 421 persoas.

De xuño do 2015 ata agora o paro baixou na comarca en 1300 persoas aproximadamente. En Cambados 250 parados menos tras ese periodo.







3 de decembro de 2017

ÉXITO NA MANIFESTACIÓN CONTRA O DESMANTELAMENTO DA ÁREA SANITARIA DO SALNÉS









Imaxe da protesta ante o Hospital do Salnés


Centos de persoas, unhas 3.000 segundo a organización, esixiron este domingo en Vilagarcía de Arousa (Pontevedra) o mantemento da área sanitaria do Salnés e mostraron o seu rexeitado á reforma da Lei de Saúde de Galicia proposta pola Xunta.
En concreto, a manifestación partiu minutos despois das 11.30 horas desde o ambulatorio de San Roque e percorreu os catro quilómetros que o separan do Hospital do Salnés, ante o que os manifestantes denunciaron que a reforma da lei galega de 2008 suporá "unha diminución importante dos recursos dos hospitais comarcais" e "afastará á cidadanía dos servizos".
Precisamente, o portavoz da plataforma SOS Sanidade Pública, Manuel Martín, asegurou que o rexeitamento a esta norma que a Xunta busca "impor" vai "moito máis alá das siglas" políticas e transcende a toda a sociedade, que rexeita que "se pretenda transformar" o Servizo Galego de Saúde (Sergas) nunha "fonte de negocio e oportunidade empresarial".
"Parécenos ben que haxa investigación e desenvolvemento, pero o Sergas ten que ser público e ten que estar destinado á atención da saúde da cidadanía e non ao negocio", denunciou Manuel Martín, que acusa á Xunta de dar entrada a "axencias privadas" á saúde pública.
"PERDA DE SERVIZOS"
Nesta liña, a Plataforma en Defensa da Sanidade Pública do Salnés, organizadora da marcha, censurou que a supresión da área sanitaria da comarca avanza no desmantelamento do hospital e "provoca unha perda de servizos, especialidades e profesionais, dificultando a accesibilidade e paralizando a reforma da Atención Primaria".
Boa parte do percorrido da manifestación discorreu pola N-640, polo que os organizadores previron un dispositivo de seguridade formado por cen persoas que se encargaron de desviar os condutores durante o traxecto.
Na marcha, que foi secundada por responsables de diversos concellos da zona, participaron os portavoces parlamentarios de Sanidade do En Marea, PSdeG e BNG —Eva Solla, Julio Torrado e Montse Prado, respectivamente—.

Fonte: Europa Press



1 de decembro de 2017

BNG PRESENTA MOCIÓNS NO SALNÉS CONTRA A SUBIDA DAS PEAXES DA AP-9











O BNG do Salnés cualifica a anunciada subida das peaxes da AP-9 como "un atraco a man armada ao pobo galego". A formación nacionalista sinala que "a AP-9 é unha vía de comunicación que afecta a numerosos cidadáns do Salnés, empregados, autónomos ou transportistas, que a teñen que usar diariamente para desenvolver o seu traballo". Por iso, a formación nacionalista presentará mocións en todos os concellos da comarca do Salnés que se abordarán nos próximos plenos de decembro. Do mesmo xeito, o BNG presentará tamén unha moción no Parlamento de Galicia para esixir á Xunta de Galicia que "deixe de mirar para outro lado" e demande a "supresión das peaxes, así como a transferencia da AP-9 á Administración galega". Ademais, os nacionalistas consideran que "é necesario que se supriman as peaxes, mellórense as infraestruturas, que termine a explotación privada e a AP-9 convértase nunha autoestrada pública e gratuíta de titularidade galega", e engaden que "o BNG non será consentidor deste atraco aos veciños".







30 de novembro de 2017

O DOMINGO O SALNÉS MARCHA PARA RECLAMAR EN VILAGARCÍA O MANTEMENTO DA ÁREA SANITARIA DO SALNÉS









A Plataforma en Defensa dá Sanidade Pública do Salnés -entidade que agrupa a partidos políticos, sindicatos e colectivos de traballadores sanitarios- lembra que para este domingo, 3 de decembro, hai preparada unha marcha en contra da supresión da área sanitaria da comarca. Os participantes partirán ás 11.30 horas desde o ambulatorio de San Roque para percorrer a pé os catro quilómetros que o separan do Hospital do Salnés. Unha vez alí concentraranse ás portas do centro hospitalario para esixir a retirada do proxecto de reforma da Lei Galega de Saúde do ano 2008 que contempla o desmantelamento da área sanitaria do Salnés. Boa parte do percorrido da marcha discorre pola estrada N-640, polo que os organizadores previron un dispositivo de seguridade formado por cen persoas que se encargarán en todo momento de avisar e desviar aos condutores durante o traxecto. Os responsables da plataforma animan a aquelas persoas que non sentan en condicións físicas como para realizar o percorrido a pé a que acudan á concentración que terá lugar ás portas do hospital ao finalizar a marcha, ao redor das 12.30 horas. Os organizadores dispuxeron un servizo de autobuses de retorno para que os participantes na marcha non teñan que regresar a pé a Vilagarcía. "PERDA DE SERVIZOS" A Plataforma en Defensa dá Sanidade Pública do Salnés denuncia que a supresión da área sanitaria da comarca avanza no desmantelamento do hospital "provocando unha perda de servizos, especialidades e profesionais, dificultando a accesibilidade e paralizando a reforma da Atención Primaria. A portavoz do colectivo Rosa Casal lembrou que episodios recentes na comarca, como a perda do médico en Vilaxoán, a redución das consultas de pediatría en Cambados ou o feito de que non se cubran as baixas no centro de saúde da Illa non poden ser consideradas como feitos illados senón como "o reflexo dun política de desmantelamento da sanidade pública no Salnés". PROTESTAS DOS VECIÑOS DE VILAXOÁN Ao mesmo tempo que se celebraba a rolda de prensa da Plataforma en Defensa dá Sanidade Pública do Salnés decenas de veciños de Vilaxoán permanecían concentrados ás portas do Hospital do Salnés para protestar polo feito de que o Sergas non cubrise a baixa da médico que atende a consulta, deixando desde hai semanas sen este servizo a 1.200 persoas. Neste sentido, o BNG presentou este mércores unha serie de cuestións na Comisión de Sanidade do Parlamento. Os parlamentarios nacionalistas han preguntado á Xunta se ten previsto "cubrir a ausencia da médico do centro de saúde de Vilaxoán" e se considera que os veciños desta localidade poden ter unha idónea atención sanitaria "se non se substitúe á única facultativa que presta servizo nese centro". Os deputados do BNG tamén cuestionan que o ambulatorio de Vilagarcía, "coa sobrecarga asistencial que ten", estea en condicións de asumir o aumento da demanda que lle está a supor o ter que atender aos enfermos de Vilaxoán.







29 de novembro de 2017

OCEAN LAVA GALICIA CAMBADOS 2018 ABRE INSCRICIÓNS












A partir de hoxe, 29 de Novembro está aberto o proceso de inscrición. Despois do éxito conseguido o a súa primeira edición, Ocean Lava Galicia buscará consolidarse en 2018. Sobre os mesmos paraxes que na edición de 2017, o 29 de abril disputarase a segunda edición O Océano Atlántico e as belas paraxes do corazón das Rías Baixas galegas poñerán a proba a forza física e a fortaleza mental destes superdeportistas. A proba terá como epicentro na vila de Cambados, onde estará situada a saída, a transición e a meta da mesma. Nela desenvolverase o segmento de natación, a unha soa volta. Posteriormente, o circuíto ciclista percorrerá parte da comarca do Salnés, para volver novamente a Cambados e dar inicio á carreira a pé que abandonará territorio continental para chegar ata A Illa de Arousa e volver novamente a Cambados. Video da proba o ano pasado A proba desenvolverase sobre distancia Medio Ironman (1900 metros de natación, 90 km de ciclismo e 21,1 km de carreira a pé). O límite de inscritos está fixado en 350.
OCEAN LAVA, con orixe en Lanzarote, é unha da competicións de longa distancia máis prestixiosas do mundo. Fundada por Kenneth Gasque, director de carreira do Ironman Lanzarote e lenda do mundo do tríatlon é un espectacular evento deportivo. Máis información: http://oceanlavagalicia.com








7 de novembro de 2017

CAMBADOS ACOLLE UNHA CHARLA INFORMATIVA SOBRE A REFORMA SANITARIA











Este venres 10 de novembro, ás 20 horas, celebrarase en ExpoSalnés unha charla informativa sobre a polémica reforma da Lei da Saúde que quere levar adiante a Xunta de Galicia. Esa reforma provocará a supresión da área sanitaria do Salnés, reducindo consultas e servizos no Hospital comarcal, e incrementará o desvío de pacientes cara aos centros hospitalarios privados.
A charla está convocada pola Plataforma en Defensa da Sanidade Pública do Salnés, integrada por diversas asociacións, sindicatos e todos os partidos políticos (excepto o Partido Popular, que decidiu non participar na plataforma) con representación nos concellos de Cambados, A Illa de Arousa, Ribadumia, Vilanova e Vilagarcía (municipios que forman parte da área sanitaria do Salnés).
O acto estará presentado por Tino Cordal, concelleiro de Sanidade de Cambados, e contará coas intervencións de representantes da Xunta de Persoal do Hospital do Salnés e con membros da Plataforma en Defensa da Sanidade Pública do Salnés.
Dende a concellería de Sanidade de Cambados faise un chamamento á veciñanza para que acuda a informarse das graves consecuencias que pode ocasionar esta reforma da Lei da Saúde. Así, consultas e servizos que se están a prestar agora no Hospital do Salnés serán desviados a outros centros hospitalarios de cidades como Pontevedra ou Santiago de Compostela.
A Xunta de Galicia leva anos desmantelando a sanidade pública galega, ata o punto de convertela nunha das máis privatizadas do Estado. De feito, os últimos datos dispoñibles sinalan que máis do 25 por cento da sanidade galega atópase xa en mans privadas, e este proceso de privatización incrementarase coa nova reforma.
No caso do Hospital do Salnés son moitos os pacientes que podían ser atendidos perfectamente neste centro hospitalario comarcal e están a ser derivados a un Hospital privado de Pontevedra, mentres boa parte das instalacións reformadas do Salnés non se utilizan.
O Concello de Cambados, ao igual cos de A Illa de Arousa, Ribadumia e Vilagarcía, xa aprobaron nos plenos das súas respectivas corporacións municipais unha moción de rexeitamento do anteproxecto de reforma da Lei de Saúde de Galicia. A mesma moción foi levada ademais ao pleno da Mancomunidade do Salnés, onde tamén foi aprobada.
A Plataforma en Defensa da Sanidade Pública do Salnés convocou unha manifestación o pasado 29 de setembro en Vilagarcía á que acudiron miles de persoas. Agora está a preparar unha marcha á Hospital comarcal que terá lugar nas vindeiras semanas.





"RUTA DO PAI SARMIENTO", O "CAMIÑO" RUMBO A COMPOSTELA











“El 19 de julio de 1745 salí de Pontevedra a Santiago rodeando todo el Salnés…”, escribiu o Pai Frei Martín Sarmiento. A publicación titulada Ruta do Pai Sarmiento. Atopa o teu camiño, editada pola Xunta de Galicia e a Mancomunidade Salnés. Coa memoria do Instituto Pai Sarmiento de Estudos Galegos, lembremos que Pedro Xosé Balboa, coñecido como Frei Martín Sarmiento naceu en Villafranca del Bierzo, provincia de León, o 9 de marzo de 1695, para falecer o 7 de decembro de 1772 en Madrid, en pleno século XVIII, tamén denominado "Século Ilustrado" ou "Século das Luces".

Herdeiro dunha familia de orixe nobre, o Pai Sarmiento trasladouse cos seus pais a Pontevedra poucos meses despois do seu nacemento, onde transcorreu a súa infancia. En 1710 se muda ao Convento de San Martín de Madrid co fin de tomar o hábito da Orde Benedictina. Máis tarde  mantén un vínculo intelectual co soado Pai Feijoo, ilustre pensador e ensaísta do século XVIII, de quen se converte no seu gran discípulo e colaborador. Dentro de idéntica liña de pensamento que el, Frei Martín Sarmiento estableceu unha loita contra a superstición e a ignorancia, cunha decisiva proposta: a fundación de bibliotecas nos pobos. Comprendeu, por tanto, que era preciso coñecer e recobrar e salvagardar as tradicións e a cultura popular. Desde esa perspectiva foi sen dúbida un auténtico precursor, contribuíndo notoriamente á investigación e recuperación da Cultura de Galicia.

Non só tiña interese pola lingüística o Pai Sarmiento, senón tamén por outras disciplinas como a botánica e a medicina. Fondamente preocupado pola mellora do nivel técnico e económico de Galicia, Sarmiento achábase inmerso no ámbito do pensamento ilustrado. Viaxe a Galicia é o libro que Frei Martín Sarmiento sacou á luz en 1745, no cal se documenta o peregrinaxe a través da fermosa comarca do Salnés: o que inspirou esta espléndida e atractiva Ruta do Camiño de Santiago Apóstolo, o discípulo de Jesús, o fillo do "Zebedeo", o "fillo do Trono", irmán de San Juan Evanxelista. O primeiro apartado da publicación corresponde a Pictogramas. Mapa, acompañado de información e lugares de interese turístico. Espazo Natural, praias, miradoiro e albergue. Así mesmo, Pazo, Faro e Torre. Igrexa-Capela-Mosteiro. Muíño e hórreo. Telleira e Museo. Ademais, Acuario, restos arqueolóxicos e Fundación Manolo e Paz.

Tras desenvolver o "quen foi o Pai Sarmiento", revisamos o "Mapa. Ruta Sarmiento". A presentación, prepara a ruta así como recomendacións. 

Etapas 
Trátase de 9 etapas. Tampouco deixa de constatar as oficinas de Turismo, ademais do Mapa Comarcal. Viaxamos entre fecundos viñedos, sosegados vales e límpidos ríos. Achámonos, como apuntou a escritora e novelista galega do século XIX a condesa Dona Emilia Pardo Bazán, na comarca máis pintoresca que poida soñarse. ¡Oh Rías de Pontevedra e Arousa! Un carreiro de 190 quilómetros que percorre a esplendente costa galega rumbo a Compostela. Historia, Natureza e Paisaxes: un camiño sobre o mar, á beira de íntimos pobos mariñeiros. Pontevedra, Sanxenxo, O Grove, Cambados, A Illa de Arousa, Vilanova de Arousa, Vilagarcía de Arousa, Padrón e Santiago de Compostela. A partir de Padrón, a ruta segue o trazado do *Camiño Portugués* a través de Iria-Flavia, Esclavitude e núcleos rurais do municipio de Teo. Despois, a gran ^Praza do Obradoiro^ e o majestuoso milagre da Catedral.



RUTA DEL PADRE SARMIENTO










3 de novembro de 2017

O PARO SUBE EN OUTUBRO NA COMARCA, NA PROVINCIA, EN GALICIA E NO ESTADO











O paro sobe en España o mes pasado en 56.844 persoas, segundo os datos que acaba de facer públicos o Ministerio de Emprego. En Galicia, tamén aumentou, en 1.846 persoas,  das que 1.103 son da provincia de Pontevedra. 

O total de parados na nosa comunidade é de 185.908, dos que 74.301 están rexistrados en oficinas da provincia de PontevedraA cifra total de parados en España é de 3 millóns 467.026 persoas. O paro só se reduciu nun sector: o da construción.

Polo que atinxe a nosa comarca a destacar que o paro aumentou en todos os concellos e Vilagarcía (118), O Grove (197) e Sanxenxo (201) son as poboacións onde máis aumentou o paro. No total o paro aumentou na comarca en 702 persoas. 








30 de outubro de 2017

A D.O. RÍAS BAIXAS CONCLÚE A SEGUNDA MAIOR VENDIMA DA SÚA HISTORIA CON MÁIS DE 39 MILLÓNS DE QUILOS DE UVA










O Consello Regulador da Denominación de Orixe Rías Baixas dá por rematada a vendima de 2017 con 39.339.272 quilos de uva recollida, un 17,8 % máis que na campaña anterior. Con estas cifras, a Denominación de Orixe Rías Baixas obtén a segunda vendima máis cuantiosa da súa historia.
Esta campaña comezou a mediados de agosto e finalizou a mediados de octubre. Puídose prolongar tanto no tempo porque “a meteoroloxía permitiu que se puidese realizar gradual e selectivamente, de maneira que as adegas puideron agardar ao momento óptimo en cada parcela”, segundo explica o director técnico do Órgano de Control e Certificación do Consello Regulador, Agustín Lago.
Lago considera ademais que “todo apunta a que será unha gran anada de viños”, posto que “a vendimia este ano foi de libro, empezando polo estado fitosanitario da uva, os seus excelentes parámetros de calidade, así como o axeitado equilibrio entre grao e acidez”, indica o director técnico de Rías Baixas.
Se algo caracterizou esta vendima foi o seu carácter madrugador, debido ás condicións meteorolóxicas en primavera-verano que causaron un adianto do ciclo vexetativo da vide e da maduración da uva. Ademais, as xornadas de chuvia de principios de setembro, xusto antes da maior parte das tarefas de vendima, contribuíron a optimizar o comportamento do viñedo.
Esta campaña estivo protagonizada por 5.338 viticultores, que recolleron uva en 4.049 hectáreas para 184 adegas inscritas. Como xa é habitual nesta denominación, a produción das variedades brancas é maioritaria, cun 99,15% do total. Delas, a variedade Albariño é a raíña co 96,49% do total. Séguenlle a Treixadura, Caiño Branco e Loureira. E aínda que as variedades tintas só supoñen o 0,85% da produción, na presente campaña recolléronse 333.929 quilos de uva, na súa maioría na subzona do Condado do Tea. As variedades tintas maioritarias son a Sousón e a Brancellao.
En canto á distribución da vendima por subzonas, a do Salnés mantén a súa hexemonía co 63,82% da produción (supera os 25 millóns de quilos de uva), seguida polo Condado do Tea, O Rosal, Ribeira do Ulla e, por último, Soutomaior.
Os máis de 39,3 millóns de quilos de uva recollidos permitirán elaborar algo máis de 26 millóns de litros de viño certificado para atender a demanda dos viños Rías Baixas nos mercados galego, español e internacional. Na actualidade, os mercados exteriores supoñen máis do 28% da produción da D.O. Rías Baixas.
Esta foi a terceira vendima na que a Denominación de Orixe emprega o sistema de auditoría, no que traballaron 25 auditores/vedores, seguindo así a normativa vixente. Agustín Lago explica que “este traballo garante a orixe e a trazabilidade en todas as fases da elaboración do viño". Neste sentido, asegura que o sector está plenamente profesionalizado e comprometido coa excelencia, o que redunda na calidade dos viños.




18 de outubro de 2017

GRAN OCUPACIÓN TURÍSTICA NA PONTE PASADA













Ocupación hoteleira na ponte da Hispanidade

A presidenta da Deputación de Pontevedra tamén deu a coñecer os datos de ocupación hoteleira da pasada ponte que, segundo informou, "foron os mellores resultados dos últimos anos". Ao respecto, Silva asegurou que a ocupación media provincial en establecementos hoteleiros entre o 12 e o 15 de outubro ascendeu ao 85%, doce puntos máis que o ano pasado, e ata o 90% naqueles con instalacións de turismo termal.

Por comarcas, tal e como manifestou a presidenta provincial, O Salnés tivo unha ocupación do 88,16%.  Neste caso, Silva engadiu que "en vilas da comarca, como O Grove, a ocupación chegou ao cheo absoluto, ao 100%, entre outras cuestións pola Festa do Marisco e tamén por ser unha das vilas con grande número de establecementos termais".

A comarca de Pontevedra acadou unha ocupación do 88,67%, O Morrazo do 93,33%, Caldas do 90,30%, Vigo do 91,91%, O Baixo Miño do 68,5%, O Condado e A Paradanta superaron o 88% e Deza e Tabeirós-Terra de Montes rozaron o 68%.

En canto ao turismo rural, Silva tamén amosou a súa satisfacción xa que a porcentaxe chegou ao 70% de ocupación media na provincia de Pontevedra. Máis polo miúdo, O Salnés superou o 70%, Pontevedra o 81%, O Morrazo o 65%, Caldas obtivo o 78%, Vigo o 70%, O Baixo Miño rozou o 85%, as comarcas do Condado e A Paradanta o 44,36% e as de Deza e Tabeirós-Terra de Montes o 55,38%.

Durante a ponte, a porcentaxe maioritaria de persoas que nos visitaron proviña de España (91,4%) e, en concreto, de Madrid, Zamora e Cantabria. O 43% tiñan entre 35 e 40 anos, aloxáronse en hoteis (70%) entre 4 e 6 días e viñeron motivados pola nosa oferta de ocio e a nosa cultura. En canto ás persoas estranxeiras (9%), proveñen, principalmente, de Reino Unido, Arxentina e Alemaña.